Një gjykatë në Itali, ka nisur një proces penal ndaj një prej gazetave më të mëdha italiane pas padisë së ish-oficerit të policisë antitrafik, Dritan Zagani. Gjyqi do të zhvillohet ndaj ‘Il Fatto Quotidiano’ lidhur me një shkrim të kësaj të fundit dhe lidhet me deklaratën e bërë nga një gazetar i një prej mediave të rëndësishme në vendin fqinj, ‘Il Fatto Quotidiano’.
Gazetari ka shkruar se Zagani nuk është i besueshëm për akuzat e tij mbi trafikun e drogës dhe përfshirjen në të të ish-ministrit të Brendshëm, Sajmir Tahiri pasi ka marrë nga ish-kryeministri Berisha një vilë dhe për këtë arsye denoncimet e tij janë të pabesueshme. Në fakt bëhej fjalë për një sipërfaqe toke.
Gjatë një përballjeje mes palëve, Zaganit dhe gazetarit, ky i fundit ka pohuar se informacionin e kishte marrë nga Sajmir Tahiri, asokohe ministër i Brendshëm i Shqipërisë.
Zagani i ka dhënë gazetës italiane një javë kohë të përgënjeshtrojë akuzat e publikuara në shkrim ose të përballet me një proces penal, i cili ka marrë udhë./DRONI.al/
