Prokuroria e Tiranës ka mbyllur hetimet për rastin e vetëvrasjes së Hasan Mirës, pacienti i infektuar me COVID-19 që u vetëhodh nga ballkoni i spitalit “Shefqet Ndroqi” më 2 shtator të këtij viti. Sipas Prokurorisë nuk ka indicie që Mira të jetë keqtrajtuar apo të ketë marrë mjekim të gabuar.
Hetimet ndërkohë vazhdojnë për 3 rastet e tjera të pacientëve që janë hedhur nga spitali “Shefqet Ndroqi” dhe spitali Infektiv.
Konkretisht bëhet fjalë për pacientin 29-vjeçar që u vetëhodh me 13 gusht, rasti i një 52-vjeçari me 1 nëntor tek “Shefqet Ndroqi” e me 10 nëntor rasti i një 69-vjeçari që u hodh tek spitali Infektiv. Ndërkohë rasti i fundit ishte ai i pacientit 60-vjeçar që u vetëhodh ditën e sotme tek Sanatoriumi.
e.h/DRONI.al/
