Një autobus i mbushur plot me pasagjerë u përmbys sonte në mbrëmje në orën 21.00 ndërsa po udhëtonte në segmentin Fushë-Krujë-Thumanë.
Sipas njoftimit të policisë, më datë 08.11.2016, rreth orës 21:00, një autobus i linjës Tiranë-Kukës, me targa AA 346 AC, në aksin rrugor Thumanë – Fushë- Krujë, në afërsi të fshatit Derven ka dalë nga rruga dhe është përmbysur.
Për shkak të reshjeve të shiut të ditës së sotme autobuzi ka rënë në ujë.
Të gjithë pasagjerët kanë dalë nga autobuzi dhe janë në gjendje të mirë shëndetësore.
Efektivat e Policisë, Zjarrëfikësja dhe Ambulanca janë në gadishmëri të plotë.
