Është ndarë nga jeta mbrëmjen e së enjtes piktori i njohur shqiptar Kujtim Buza, duke lënë pas dhimbje te familjarët, miqtë, kolegët dhe të gjithë ata që kanë ndjekur dhe vlerësuar veprën e tij.
Lajmi është bërë i ditur nga ministri i Turizmit, Kulturës dhe Sportit, Blendi Gonxhja, i cili e ka cilësuar Buzën një figurë të rëndësishme të pikturës dhe studimeve artistike në Shqipëri.
Kujtim Buza i kushtoi rreth 65 vite krijimtarisë artistike, duke u angazhuar gjatë karrierës së tij jo vetëm si piktor, por edhe si studiues dhe pedagog.
Ai ka drejtuar Galerinë Kombëtare të Arteve, ndërsa një pjesë të rëndësishme të veprimtarisë së tij ia kushtoi edukimit dhe formimit të brezave të rinj të artistëve.
Me veprën dhe kontributin e tij ndër vite, Buza la një gjurmë të rëndësishme në zhvillimin e artit pamor shqiptar.a.b
