Teksa flakët janë përhapur me shpejtësi, banorët e zonës kanë bërë apel për ndihmë, ndërsa kanë shprehur zenërim ndaj autoriteteve për mënyrën se si është menaxhuar situata.
Një prej banorëve ka kërkuar dorëheqjen e kryeministrit Edi Rama, duke e akuzuar qeverinë për reagim të pamjaftueshëm përballë zjarrit.
“Unë jam banor i lagjes. Edi Rama të shkarkohet me sekonda, mos të rrijë në zyrë. Na shkatërroi, na dogji”, deklaroi ai, duke shprehur zemërimin për situatën.
Një tjetër banor tha se përmasat e zjarrit kanë shkaktuar dëme në banesa dhe kanë detyruar banorët të largohen.
“Situata shumë e keqe, shteti nuk ka marrë asnjë masë. Kjo lagje mund të ketë mbi 100 shtëpi. Banorët janë larguar. Janë djegur dy shtëpi”, u shpreh ai.
Pamjet e regjistruara gjatë natës tregojnë përhapjen e flakëve, ndërsa banorët janë detyruar të evakuohen nga banesat e tyre për shkak të rrezikut të përparimit të zjarrit.a.b
