Policia ka dhënë detaje të reja në lidhje me vrasjen në Korçë. Një konflikt mes disa personave është përshkallëzuar në përdorimin e armës së zjarrit pasditen e sotme në Korçë, duke shkaktuar vdekjen e një 20-vjeçari.
Ngjarja ka ndodhur rreth orës 16:30, në lagjen nr. 15, në rrugën “Viktor Eftimiu”. Si pasojë e të shtënave ka humbur jetën shtetasi Joan Zuko, rreth 20 vjeç, banues në lagjen nr. 14 të Korçës.
Policia ka identifikuar autorin e dyshuar, i cili është larguar menjëherë nga vendngjarja pas krimit. Shërbimet e Policisë janë vënë në ndjekje të tij, kanë rrethuar zonën dhe po vijojnë kontrollet për lokalizimin dhe kapjen e tij.
Ndërkohë, tre persona të dyshuar si të përfshirë në konflikt janë shoqëruar në Komisariat për veprime të mëtejshme procedurale.
Grupi hetimor, nën drejtimin e Prokurorisë, vijon punën në vendngjarje për zbardhjen e plotë të rrethanave, dokumentimin e ngjarjes dhe identifikimin e të gjithë personave të përfshirë.m.k
