Një konflikt mes disa të burgosurve është regjistruar këtë të shtunë në burgun e sigurisë së lartë në Fier. Ngjarja ka ndodhur në ambientet e ajrimit të institucionit të vuajtjes së dënimit.
Sipas informacioneve paraprake, gjatë konfliktit dy të burgosur kanë mbetur të plagosur, pasi dyshohet se janë goditur me mjete të improvizuara.
Pas nisjes së përplasjes kanë ndërhyrë menjëherë forcat e sigurisë së burgut, të cilat kanë neutralizuar situatën dhe kanë rikthyer të burgosurit në qelitë e tyre.
Dy të plagosurit janë transportuar në Spitalin Rajonal të Fierit, ku kanë marrë ndihmën e nevojshme mjekësore. Sipas burimeve spitalore, gjendja e tyre shëndetësore paraqitet e qëndrueshme dhe ata ndodhen jashtë rrezikut për jetën.a.b
