Biznesmeni Nadir Causholli është proceduar penalisht nga specialistët për Hetimin e Krimeve të Komisariatit të Policisë Nr. 2 në Tiranë, për veprat penale “Kanosja” dhe “Vetëgjyqësia”.
Sipas Policisë, ngjarja ka ndodhur më 6 korrik në rrugën “Ibrahim Rugova”, ku gjatë një konflikti për montimin e një pajisjeje karikimi për automjete elektrike në trotuar, Causholli dyshohet se ka kanosur me fjalë shtetasin Mirton Lika 53 vjeç, si dhe ka goditur me shkelm një karrige në drejtim të tij.
Nga ana tjetër, Policia bën me dije se edhe Nadir Causholli ka kallëzuar se është kanosur me fjalë nga shtetasi Mirton Lika.
Materialet procedurale i janë referuar Prokurorisë, e cila do të kryejë veprimet e mëtejshme hetimore.
