Mijëra qytetarë u mblodhën në bulevardin “Dëshmorët e Kombit” në ditën e 35-të të protestës kombëtare kundër qeverisë së kryeministrit Edi Rama.
Një nga momentet më simbolike të tubimit ishte shpalosja e një flamuri gjigant kuqezi mbi Piramidën e Tiranës, ndërsa protestuesit vendosën edhe një banderolë me mbishkrimin: “Ju erdhi fundi”.
Përveç flamujve kombëtarë, gjatë protestës u valëvitën edhe flamuj të Shteteve të Bashkuara të Amerikës, në shenjë të 250-vjetorit të Pavarësisë së SHBA-së.
Pjesë e protestës ishin edhe flamingot, të cilat janë kthyer në simbol të kësaj lëvizjeje qytetare dhe u panë sërish në duart e protestuesve gjatë gjithë tubimit.
