Banorët e Marinzës kanë hyrë në ambientet e kompanisë Bankers Petroleum, duke kërkuar të drejtën e tyre për pagesën e qirasë së tokave, sipas kontratave dhe ligjit.
Përmes një reagimi, deputeti i PD-së, Luan Baçi, shprehet se banorët kanë vendosur të qëndrojnë në tokat e tyre deri në përmbushjen e detyrimeve financiare ndaj tyre. Baçi akuzon kompaninë për mospagim të qirave dhe ngre pikëpyetje mbi heshtjen e shtetit.
Ai shpreh mbështetje për banorët e zonave naftëmbajtëse, të cilët, sipas tij, përballen me ndotjen dhe shfrytëzimin abuziv të tokave të tyre nga kompanitë e huaja.
Reagimi i plotë:
Banoret e Marinzes, ne te drejten e tyre ligjore, per pagesat e qiras se tokes, hyne vet ne ambjentet e kompanise qe vetem vjedh!
Megjithse Bankersat e “ndershem” dhe ” fukarenj” nuk paguajne qirane dhe as degjojne, as shikojne, madje dhe nuk kuptojne se ” te huaj” jane , banoret do te ulen te tokat e tyre dhe do te rrine aty, deri sa te paguhen ne baze te kontrates dhe te ligjit!
Shteti pse hesht?
Mbeshtetje per banoret e zonave, naftembajtse, qe vuajne, vidhen dhe ndoten nga kompani te huaja, pa tjeter te lidhura me pushtetin, duke shfrytezuar tokat e tyre ne menyre abuzive!a.b
