Organizatorët e protestës që prej më shumë se një muaji zhvillohet çdo ditë në Tiranë u kanë bërë thirrje qytetarëve nga e gjithë Shqipëria dhe diaspora t’i bashkohen tubimit të paralajmëruar për ditën e nesërme, të cilin e cilësojnë si protestën më të madhe mbarëkombëtare.
Në përfundim të protestës së sotme para Kryeministrisë, organizatorët apeluan për pjesëmarrje sa më të gjerë, duke ftuar qytetarët të vijnë në kryeqytet së bashku me familjarët dhe miqtë e tyre.
“Nesër e gjithë Shqipëria në shesh. Të gjithë emigrantët do të jenë në shesh dhe, me ndihmën e Zotit dhe të juristëve, në shesh do të jenë edhe djemtë e arrestuar. Nesër merrni me vete shokët dhe familjarët. E gjithë Shqipëria, nga Konispoli në Vermosh, të jetë nesër këtu. Nesër më shumë se kurrë”, ishte mesazhi i përcjellë gjatë tubimit.
Sipas organizatorëve, protesta e së nesërmes pritet të jetë tubimi më i madh që nga nisja e kësaj lëvizjeje qytetare. Ata kanë përsëritur gjithashtu kërkesën për lirimin e personave të arrestuar gjatë protestave, si edhe dorëheqjen e qeverisë.a.b
