Kanë hyrë në fazën përfundimtare përgatitjet për koncertin e reperit të njohur Kanye West (YE), i cili është planifikuar të mbahet më 11 korrik në Kashar, Tiranë.
Organizatorët bëjnë të ditur se po punohet ditë e natë për ngritjen e “Eagle Stadium”, ku pritet të zhvillohet spektakli muzikor. Sipas tyre, koncerti do të organizohet me një ekip të gjerë ndërkombëtar dhe me mbështetjen e Qeverisë Shqiptare dhe Bashkisë Tiranë.
Organizatorët theksojnë se pas ndalesave të turneut në Holandë, SHBA, Turqi dhe Gjeorgji, Shqipëria do të mirëpresë një nga ngjarjet më të mëdha muzikore të verës, ku pritet të marrin pjesë dhjetëra mijëra fansa nga vendi dhe rajoni.r.k
