Një incident është regjistruar mesditën e kësaj të mërkure në Tiranë, ku Ilir Demaliaj është goditur me grusht dhe ka përfunduar në spital për të marrë ndihmë mjekësore.
Sipas njoftimit paraprak të Policisë, ngjarja ka ndodhur rreth orës 12:00 në rrugën “Çamëria”, ku dyshohet se për motive të dobëta është sulmuar Ilir Demaliaj. Vetë Demaliaj shpjegoi për Top Channel në ‘Shqipëria Live’ se është qëlluar sapo doli nga shtëpia. Agresorët i kanë rhënë se ka lajmëruar policinë për parkimin e gabuar të makinës së tyre.
Menjëherë pas marrjes së njoftimit, shërbimet e Policisë kanë mbërritur në vendngjarje dhe, falë veprimeve të shpejta hetimore, kanë identifikuar autorin e dyshuar, shtetasin R. S., i cili është shpallur në kërkim.
Në kuadër të hetimeve është bllokuar dhe sekuestruar edhe automjeti që dyshohet se është përdorur nga autori.
Grupi hetimor, nën drejtimin e Prokurorisë, vijon veprimet për zbardhjen e plotë të rrethanave të ngjarjes dhe dokumentimin e saj ligjor.a.b
