Kryetari i Partia Demokratike e Shqipërisë, Sali Berisha, deklaroi se rezoluta e miratuar nga Partia Popullore Evropiane për Shqipërinë i jep mbështetje të fortë protestës qytetare dhe rinore që po zhvillohet në Tiranë.
Në një deklaratë për mediat, Berisha tha se rezoluta përmban të njëjtat konstatime, denoncime dhe sugjerime si raporti i mëparshëm, ndërsa shtoi se dokumenti është pasuruar me zhvillimet e fundit.
Gjatë takimeve në PPE Berisha ka kundërshtuar propagandën e kryeministrit Edi Rama, duke theksuar se ky i fundit ka shpërndarë mesazhe tek përfaqësues të elitës evropiane ku protesta paraqitet si një lëvizje e organizuar dhe e frymëzuar nga Garda Revolucionare Islamike.
Berisha theksoi se u ka garantuar pjesëmarrësve në takime se këto pretendime janë të pabazuara dhe se protesta përfaqëson një lëvizje qytetare të nxitur nga idealet e të rinjve dhe qytetarëve shqiptarë.
Kreu i PD-së deklaroi gjithashtu se ka informuar PPE-në se qeveria ka angazhuar kompani të huaja dhe ka shpenzuar fonde të konsiderueshme në përpjekje për të luftuar protestën në rrjetet sociale dhe për të identifikuar protestuesit përmes të dhënave personale.
Në përfundim, Berisha u shpreh se ka konstatuar mbështetje të gjerë për protestën dhe se kjo është pasqyruar edhe në rezolutën e miratuar nga asambleja politike e PPE-së për Shqipërinë.m,k
