Aksident i rëndë në autostradën Tiranë-Durrës, furgoni me pasagjerë del nga rruga.
Një aksident i rëndë është regjistruar pak minuta më parë në autostradën Tiranë-Durrës, ku një furgon me pasagjerë ka dalë nga rruga dhe ka përfunduar në kanalin anësor.
Sipas informacioneve të policisë nga aksidenti ka humbur jetën një person drejtuesi i mjetit, ndërsa ende nuk dihen rrethanat që çuan në daljen e automjetit nga rruga. Ndërkaq kanë mbetur të plagosur 13 persona të tjerë.
Në vendngjarje kanë mbërritur forca të policisë, ekipet e urgjencës mjekësore dhe shërbimet zjarrfikëse, të cilat po punojnë për nxjerrjen e pasagjerëve të mbetur në furgon.
Autoritetet pritet të japin më shumë detaje mbi numrin e të lënduarve dhe shkaqet e aksidentit, ndërsa hetimet për zbardhjen e plotë të ngjarjes kanë nisur.
