Kryetarja e Kuvendit, Elisa Spiropali, nuk ishte e pranishme në mbledhjen e grupit parlamentar të Partisë Socialiste, e zhvilluar në një kohë kur vendi po përjeton protesta të vazhdueshme kundër qeverisë së kryeministrit Edi Rama.
Sipas raportimeve, gjatë mbledhjes Rama u është drejtuar deputetëve me tone të ashpra, duke u kërkuar të rrisin angazhimin e tyre në rrjetet sociale për të mbrojtur qëndrimet e mazhorancës.
Po ashtu, kryeministri u ka kërkuar deputetëve të jenë më aktivë edhe në Kuvend, ndërsa opozita ka kritikuar mungesën e tij të vazhdueshme në seancat parlamentare.
Ndërkohë, prej rreth një muaji qytetarë protestojnë çdo ditë para godinës së Kryeministrisë, duke kërkuar dorëheqjen e Edi Ramës. Sipas raportimeve, situata politike dhe protestat e vazhdueshme kanë shtuar tensionet brenda mazhorancës.
