Protesta e 29-të kundër kryeministrit Edi Rama u zhvillua këtë të diel në Tiranë, ku qytetarët marshuan drejt Kryeministrisë me thirrje kundër qeverisë dhe kërkesa për largimin e kreut të ekzekutivit.
Gjatë tubimit, aktivisti Arben Kola mbajti një fjalim nga foltorja e protestës, ku kërkoi që kryeministri Edi Rama të përballet me drejtësinë dhe t’i konfiskohet pasuria.
“Rama ik nuk na shërben, por Rama në burg sepse ne të gjithë besojmë se ka vjedhur dhe shitur Shqipërinë. Prandaj duhet futur në burg dhe duhet konfiskuar pasuria. Rama në burg, Berisha në burg”, deklaroi Kola.
Ndërkohë, protestuesit brohoritën slogane si: “Asnjë njeri nuk është më i madh se Shqipëria”, “Edi Rama dil në bulevard, Atdheu është i yni, jo biznes privat”, si dhe “Edi Rama o tradhtar, me Shqipërinë mos bëj pazar”.
Protestës iu bashkuan edhe turistë të huaj, ndërsa marshimi vijoi drejt godinës së Kryeministrisë.a.b
