Protesta kundër kryeministrit Edi Rama ka vijuar edhe në ditën e saj të 27-të, me protestuesit që kanë marshuar në rrugët e Tiranës duke përsëritur kërkesat e tyre për largimin e qeverisë.
Gjatë marshimit janë dëgjuar thirrje si: “Shqipëria kërkon revolucion”, “Edi Rama jep dorëheqjen”, “Rama në burg, Berisha në burg”, ndërsa pjesëmarrësit kanë shprehur pakënaqësinë e tyre ndaj qeverisë.
Sipas organizatorëve, protestat kanë gjetur mbështetje edhe nga shqiptarët që jetojnë jashtë vendit, ku janë zhvilluar tubime solidarizuese në disa vende të diasporës.
Ndërkohë, protestuesit kanë bërë thirrje për pjesëmarrje masive në protestën kombëtare të paralajmëruar për të shtunën, duke ftuar qytetarë nga të gjitha qytetet e vendit t’i bashkohen tubimit në Tiranë.
