Një incident dhune është regjistruar në paraburgimin e Vlorës, ku është përfshirë Eduard Alikaj, i cili ndodhej në pritje të ekstradimit.
Sipas informacioneve paraprake, ngjarja ka nisur fillimisht me një debat verbal mes të paraburgosurve, por më pas situata ka degraduar në përplasje fizike. Dyshohet se Alikaj është goditur nga pesë persona të tjerë që ndodheshin në ambientet e paraburgimit.
Burime pranë institucionit bëjnë me dije se ai ka marrë dëmtime në pjesën e fytyrës dhe është dërguar për të marrë ndihmë mjekësore. Pas trajtimit, Alikaj është rikthyer sërish në paraburgimin e Vlorës.
Ndërkohë, mësohet se pesë personat e përfshirë në konflikt pritet të transferohen, ndërsa po vijojnë verifikimet për zbardhjen e plotë të rrethanave të incidentit.a.b
