Agjencia e Mbikëqyrjes Policore, në bashkëpunim me Prokurorinë e Sarandës, ka vijuar operacionin në Komisariatin e Policisë Sarandë, ku janë ekzekutuar urdhra të rinj ndalimi ndaj efektivëve të dyshuar për shkelje të ligjit.
Sipas burimeve paraprake, deri më tani është ndaluar nënkomisari Edmond Ruçi, ndaj të cilit rëndojnë dyshime për veprat penale të “shpërdorimit të detyrës” dhe korrupsionit.
Operacioni është ende në zhvillim, ndërsa autoritetet po vijojnë veprimet hetimore për dokumentimin e plotë të rastit dhe identifikimin e personave të tjerë të përfshirë në këtë çështje.
Burime nga hetimi bëjnë me dije se pritet që në orët në vijim të ketë detaje të reja lidhur me akuzat dhe masat që mund të ndërmerren ndaj efektivëve të tjerë të përfshirë. m.k
