Gjykata e Posaçme kundër Korrupsionit dhe Krimit të Organizuar ka vendosur zgjatjen me tre muaj të afatit të paraburgimit për ish drejtorin e ARRSH, Gentian Gjylin dhe ish drejtorin e KESH, Erald Elezin.
Sipas njoftimit zyrtar, kërkesa është paraqitur më 12 maj 2026 nga Prokuroria e Posaçme kundër Korrupsionit dhe Krimit të Organizuar, e cila kërkoi zgjatjen e masës së sigurisë për dy të pandehurit.
Në përfundim të shqyrtimit gjyqësor, trupi gjykues i kryesuar nga gjyqtari Erjon Çela vendosi pranimin e kërkesës së SPAK-ut dhe zgjatjen e masës së sigurisë “arrest në shtëpi” për një periudhë shtesë prej tre muajsh për Gentian Gjylin dhe Erald Elezin.
Sipas vendimit nr. 366, datë 18 maj 2026, afati i ri i masës së sigurisë do të nisë menjëherë pas përfundimit të afatit aktual për secilin prej të pandehurve.
Gjykata bëri me dije gjithashtu se ndaj këtij vendimi mund të ushtrohet ankim në Gjykata e Posaçme e Apelit për Korrupsionin dhe Krimin e Organizuar brenda 15 ditëve nga njoftimi i tij.a.b
