Alarm për lëndë eksplozive në një automjet në Korçë, por pas verifikimeve rezultoi të ishte një aparat GPS.
Ngjarja u regjistrua rreth orës 09:00 të mëngjesit të kësaj të diele në lagjen nr. 18 të qytetit të Korçës, në rrugën “Petraq Shomo”, ku në gomën e pasme të një automjeti në pronësi të shtetasit me iniciale G. P. u konstatuan një objekt i dyshimtë.
Menjëherë pas njoftimit, policia rrethoi zonën dhe largoi banorët nga perimetri i rrezikut, ndërsa në vendngjarje mbërritën Forcat Xheniere për të bërë vlerësimin e situatës dhe procedurat e nevojshme të sigurisë.
Pas kontrollit të kryer nga specialistët, rezultoi se objekti i vendosur në automjet nuk ishte lëndë plasëse, por një aparat GPS.
