Kanë dalë pamjet e sulmit të dy personave në nkë argjendari. Pamjet tregojnë se si ata me automatikë në duar grabisin argjendarinë dhe largohen me motor.
Dy persona të paidentifikuar kanë grabitur një argjendari në Kamëz mesditën e kësaj të premteje, ndërsa policia ka ngritur pika kontrolli për kapjen e autorëve.
Sipas informacionit paraprak, ngjarja ka ndodhur rreth orës 13:00, kur dyshohet se njëri prej autorëve, i armatosur me një send në dukje armë zjarri, ka hyrë bashkë me një person tjetër në ambientet e argjendarisë në pronësi të shtetasit me iniciale O. L. Autorët kanë marrë një sasi bizhuterish dhe më pas janë larguar nga vendi i ngjarjes.
Menjëherë pas njoftimit, në zonë kanë mbërritur shërbimet e Policisë, të cilat kanë nisur kontrollet dhe kanë ngritur pika kontrolli për identifikimin dhe kapjen e autorëve.
Ndërkohë, grupi hetimor po punon për fiksimin e provave dhe dokumentimin e plotë të rastit.
