Vendimi i Gjykata e Posaçme e Apelit për Korrupsionin dhe Krimin e Organizuar për rikthimin në burg të ish-ministrit të Mjedisit, Lefter Koka, ende nuk është ekzekutuar nga Policia e Shtetit.
Burime bëjnë me dije se efektivët kanë ushtruar kontrolle në banesën e ish-ministrit për të zbatuar vendimin, por Koka nuk është gjetur. Sipas informacioneve, ai është larguar jashtë Shqipërisë, çka ka bërë të pamundur ekzekutimin e masës në territorin shqiptar.
Për këtë arsye, Lefter Koka është shpallur në kërkim ndërkombëtar.
Apeli i GJKKO-së la në fuqi vendimin e Shkallës së Parë, që e dënon Kokën me 2 vite burg për shpërdorim detyre, në lidhje me çështjen e inceneratorit të Tiranës, por ndryshoi pikën që parashikonte shuarjen e masës “arrest në burg”.
Sipas përllogaritjeve, ish-ministrit i kanë mbetur edhe 6 muaj burg për të vuajtur nga dënimi i dhënë.
