Policia e Shtetit ka arrestuar një 31-vjeçar pas një aksidenti me pasojë vdekjen e një të moshuari në Tiranë. Personi që humbi jetën është Luan Pirdeni, 87 vjeç, babai i ministres Adea Pirdeni.
Sipas policisë, specialistët e qarkullimit rrugor vunë në pranga shtetasin Sejdi Milla, 31 vjeç, pasi në kryqëzimin e rrugës “Bardhyl” me rrugën “Kongresi i Manastirit”, duke drejtuar një motomjet, është përplasur me biçikletën që drejtohej nga shtetasi Luan Pirdeni, 87 vjeç.
Si pasojë e aksidentit, i moshuari ka marrë plagë të rënda dhe ka humbur jetën në spital.
Grupi hetimor po vijon veprimet për zbardhjen e plotë të rrethanave dhe shkaqeve të aksidentit.m.k
