Gjykata e Posaçme e Apelit për Korrupsionin dhe Krimin e Organizuar ka rikthyer në burg ish-ministrin Lefter Koka, i cili do të vuajë edhe 6 muaj të mbetur nga dënimi për çështjen e inceneratorëve.
Sipas vendimit, Lefter Koka është dënuar me 2 vite burg, ndërsa i kanë mbetur për të kryer edhe 6 muaj nga masa e dhënë më herët.
Në të njëjtën çështje, gjykata ka dhënë vendime edhe për disa të pandehur të tjerë. Bledar Karoli është dënuar me 2 vite burg për shpërdorim detyre, ndërsa Taulant Tushe po ashtu është dënuar me 2 vite burg.
Namik Simixhiu dhe Fatjon Murataj janë dënuar gjithashtu me nga 2 vite burg secili për shpërdorim detyre.
Ndërkohë, Valbona Ballgjini është dënuar me 2 vite burg, dënim i konvertuar në shërbim prove, ndërsa Sidita Kopliku është dënuar me 1 vit, i konvertuar në punë publike.
Gjykata ka shpallur fajtor edhe Jetmir Llapaj, duke e dënuar me 8 muaj burg dhe duke i hequr të drejtën për ushtrimin e funksioneve publike për një periudhë 1-vjeçare.a.b
