Një ngjarje e rëndë është regjistruar në zonën e Plazhit të Vjetër në Vlorë, ku një 32-vjeçare është gjetur pa shenja jete në det.
Sipas burimeve paraprake, e reja ishte larguar nga banesa, ndërsa familjarët, të alarmuar nga mungesa e saj, kishin denoncuar rastin dhe kishin nisur kërkimet së bashku me Policinë.
Pas disa orësh kërkimesh, trupi i pajetë i 32-vjeçares u gjet në ujërat e zonës së Plazhit të Vjetër.
Hetimet paraprake dyshojnë se bëhet fjalë për një vetëmbytje, ndërsa grupi hetimor vijon punën për zbardhjen e plotë të rrethanave të kësaj ngjarjeje të rëndë. a.b
