Një ngjarje e rëndë është regjistruar mbrëmjen e kaluar në Lezhë, ku është dhunuar një person nga Dajçi, Sokol Toma.
53-vjeçari është sulmuar me sende të forta dhe për shkak të dëmtimeve të marra është transportuar drejt Spitali i Traumës në Tiranë për trajtim më të specializuar mjekësor.
Ngjarja ka ndodhur rreth orës 22:00 në aksin Mamurras-Laç, në zonën e Sanxhakut, ku autorët dyshohet se i kanë marrë edhe telefonin celular.
Sipas të dhënave paraprake, persona ende të paidentifikuar e kanë goditur brutalisht, duke i shkaktuar plagë të rënda në trup.
Burime nga Spitali i Traumës bëjnë me dije se 53-vjeçari ka pësuar thyerje në këmbë dhe dëmtime të tjera serioze, ndërsa aktualisht ndodhet i shtruar në repartin e ortopedisë.
Policia ka nisur hetimet për zbardhjen e plotë të ngjarjes, identifikimin dhe kapjen e autorëve, ndërsa motivet e sulmit mbeten ende të paqarta.
Toma është edhe aktivist politik i opozizës, duke drejtuar për disa vite strukturat e PD në Dajç. a.b
