Një aksion blic është zhvilluar këtë të premte në burgjet e sigurisë së lartë në Fier, Vlorë dhe Peqin, ku gjatë kontrolleve janë zbuluar sende të ndaluara, mes tyre edhe lugë në ngjyrë floriri, aksesorë telefonash dhe mjete prerëse të improvizuara.
Sipas njoftimit zyrtar, kontrollet e befasishme u drejtuan nga Drejtori i Përgjithshëm i Burgjeve, Adriatik Kupi, së bashku me Drejtorin e Policisë së Burgjeve, Paulin Rajta.
Operacioni u zhvillua nga forcat operacionale të Drejtorisë së Policisë së Burgjeve, me fokus evidentimin dhe goditjen e sendeve të ndaluara brenda institucioneve të vuajtjes së dënimit.
Gjatë kontrolleve janë sekuestruar aksesorë mjetesh komunikimi që përbëjnë vepër penale, karikues dhe pajisje të ndryshme elektronike, mjete prerëse të improvizuara, si dhe sende të tjera të palejuara dhe të tepërta.
Për rastet e konstatuara është njoftuar Shërbimi i Kontrollit të Brendshëm të Sistemit të Burgjeve për kryerjen e veprimeve të mëtejshme procedurale.a.b
