Policia e Tiranës ka goditur dy raste të këmbimit valutor pa licencë.
Gjatë kontrolleve të ushtruara nga specialistët për Hetimin e Pastrimit të Parave dhe Aseteve Kriminale, u konstatua se në zonën e njohur si “Dollari”, dy shtetas ushtronin aktivitet këmbimi valutor në rrugë, pa qenë të licencuar dhe me shuma të konsiderueshme parash me burim të dyshimtë.
Për këto raste janë proceduar penalisht shtetasit S. E. dhe K. F., të akuzuar për “Ushtrimi pa licencë i veprimtarive financiare” dhe “Pastrimi i produkteve të veprës penale ose veprimtarisë kriminale”.
Gjatë operacionit u sekuestruan 24 120 euro, 13 200 dollarë kanadezë dhe 470 000 lekë.
Materialet procedurale i janë referuar Prokurorisë së Tiranës për veprime të mëtejshme, ndërsa kontrollet dhe verifikimet për raste të ngjashme vijojnë.a.b
