Ilir Meta do të vijojë të qëndrojë në qeli, pasi Gjykata e Posaçme e Apelit për Korrupsionin dhe Krimin e Organizuar ka rrëzuar kërkesën e tij për zbutjen e masës së sigurisë.
Vendimi u mor sot, më 4 maj 2026, nga trupi gjykues monokratik i përbërë nga gjyqtarja Saida Dollani, e cila shqyrtoi ankimin e paraqitur nga Meta kundër vendimit të mëparshëm të Shkallës së Parë të GJKKO-së.
Ish-presidenti kishte kërkuar zëvendësimin e masës “arrest në burg” me alternativa më të lehta, si arrest shtëpie, garanci pasurore, detyrim paraqitjeje apo ndalim të daljes jashtë vendit. Megjithatë, Apeli vendosi mospranimin e ankimit të tij, duke lënë në fuqi masën ekzistuese të sigurisë.
Ankimi ishte paraqitur nëpërmjet avokatit Kujtim Cakrani, ndërsa vendimi i Apelit mund të kundërshtohet më tej me rekurs në Gjykatën e Lartë.
