Një aksident me pasojë vdekjen është regjistruar pasditen e sotme në zonën e Kepit të Rodonit, në Durrës.
Sipas informacionit paraprak nga policia e Durrësit, rreth orës 16:45, në një terren me shkurre, shtetasi A. K., rreth 52 vjeç, banues në Tiranë, duke drejtuar një motomjet me katër goma, dyshohet se ka humbur kontrollin për shkak të terrenit dhe është rrëzuar.
Si pasojë e rrëzimit, 52-vjeçari ka ndërruar jetë në vendngjarje.
Në mjet ndodhej edhe bashkëshortja e tij, shtetasja E. K., 44 vjeçe, e cila ka pësuar lëndime të lehta dhe ndodhet jashtë rrezikut për jetën.
Në vendngjarje ndodhet grupi hetimor, i cili po punon për sqarimin e plotë të rrethanave dhe shkaqeve të këtij aksidenti tragjik.
