Oficeri i policisë i arrestuar sot, Rezart Kuçi, ishte vlerësuar më herët me certifikatë mirënjohjeje në kuadër të aktiviteteve për 111-vjetorin e krijimit të Policia e Shtetit.
Në një foto të publikuar nga aktiviteti përkujtimor, Kuçi shfaqet duke marrë një certifikatë vlerësimi për kontributin e tij në strukturat e policisë, në kohën kur shërbente si shef i Komisariatit nr.1.
Aktualisht, ai mbante detyrën e shefit të sektorit të Policisë Shkencore në Drejtorinë Vendore të Policisë në Kukës.
Kuçi u arrestua sot në kuadër të një operacioni kundër krimit të organizuar, ku ndaj tij rëndojnë akuzat për “Shpërdorim detyre”, “Trafikim të lëndëve narkotike” dhe “Pjesëmarrje në grup të strukturuar kriminal”. r.k
