Dy efektivë të Policisë Bashkiake në Tiranë u rrahën sot me grushte në ambientet e Policisë Bashkiake. Lajmi bëhet i ditur nga burime të besueshme, ndërsa sherri është raportuar edhe në komisariatin nr.3.
Sipas burimeve, pas disa mosmarrëveshjesh të mëparshme, efektivi Eugen S. dhe eprori i tij, inspektor Alfred Xh., janë përplasur me grushte brenda zyrave të institucionit.
Mësohet se pas ngjarjes, inspektori Xhoxhaj ka paraqitur kallëzim në Komisariatin e Policisë Nr. 3, ku pritet të hetohen rrethanat e konfliktit dhe përgjegjësitë përkatëse.
Deri në këto momente nuk ka një reagim zyrtar nga Policia Bashkiake apo komisariati nr.3 në Tiranë. r.k
