Një 19-vjeçare e shpallur në kërkim ndërkombëtar është vënë në pranga në Tiranë. Policia bëri të ditur se e arrestuara është shtetasja gjermane, Maryam Assaf, e dënuar në Gjermani me 10 vite burg për vepra penale në fushën e narkotikëve.
Arrestimi i saj u realizua nga Drejtoria e Forcës së Posaçme Operacionale, në bashkëpunim të ngushtë me autoritetet gjermane. Sipas burimeve zyrtare, lokalizimi dhe kapja e 19-vjeçares u mundësuan falë shkëmbimit të informacionit mes strukturave ligjzbatuese shqiptare dhe homologëve të tyre në Gjermani.
Ndërkohë, pritet që në vijim të nisin procedurat për ekstradimin e saj drejt Gjermanisë, ku do të vuajë dënimin e dhënë nga drejtësia gjermane. a.b
