Noka sot në komision
Deputeti i PD, Flamur Noka debatoi ashpër sot në Komisionin e Çështjet e Brendshme dhe Mbrojtjen në Kuvend duke deklaruar se drejtori i policisë as nuk e njeh ministren dhe se vet drejtori është emërtesë e karteleve.
Sipas Nokës drejtori i Policisë së Shtetit Ilir Proda është emërtesë e Suel Çelës, ndërsa nëndrejtori Neritan Nallbati është emërtesë e Troplinëve.
“Drejtori i Policisë së Shtetit nuk e di a ju njeh juve për ministre së bashku me nëndrejtorin. Edhe kryeministri kur ju emëroi tha që do merreni me adresat dhe gjendjen civile, nuk iu dha fushën mbase që të keni akses te Policia e Shtetit. Jemi i vetmi vend që drejtorin dhe nëndrejtorin e Policisë së Shtetit nuk i ka caktuar ligji, as vullneti politik. I kanë caktuar kartelet, përkatësisht Ilir Proda drejtor i përgjithshëm i Policisë së Shtetit është emërtesë e Suel Çelës. Neritan Nallbati nëndrejtor për krimin e organizuar është emërtesë e kartelit të Troplinit. Flitte për pagesa mujore që këta zotërinj marrin nga kartelet për tu shërbyer”, tha Noka.
DEKLARATA E NOKËS/ Realiteti i gjendjes dhe sigurisë është drithërues për çdo shqiptar. Zonja tha që në luftën kundër krimeve të rënda dhe krimit të organizuar është bërë përparim. Po zonjë është bërë përparim, sepse nga bandat kriminale tashmë janë institucionalizuar kartelet dhe Shqipëria i vetmi vend që konsiderohet narkoshtet në Europë. Duke qartë sa është kontributi i Policisë së Shtetit në këtë sektor. Jemi i vetmi vend që nuk kemi polici të shteti si tjetër, por kemi një narkopolici.
Drejtori i Policisë së Shtetit nuk e di a ju njeh juve për ministre së bashku me nëndrejtorin. Edhe kryeministri kur ju emëroi tha që do merreni me adresat dhe gjendjen civile, nuk iu dha fushën mbase që të keni akses te Policia e Shtetit. Jemi i vetmi vend që drejtorin dhe nëndrejtorin e Policisë së Shtetit nuk i ka caktuar ligji, as vullneti politik. I kanë caktuar kartelet, përkatësisht Ilir Proda drejtor i përgjithshëm i Policisë së Shtetit është emërtesë e Suel Çelës. Neritan Nallbati nëndrejtor për krimin e organizuar është emërtesë e kartelit të Troplinit. Flitet për pagesa mujore që këta zotërinj marrin nga kartelet për tu shërbyer. a.b
