Borxhliu i vodhi shtëpinë mjekut të njohur vetëm pak ditë pasi ky i fundit i kishte dhënë 15 mijë euro borxh hajdutit, në fakt një pronar biznesi.
38-vjeçari Olsi Bibollari është vënë në pranga sot pasi akuzohet për vjedhjen e 15,000 eurove në një apartament në lagjen ‘Komuna e Parisit’, shtëpia e Eqerem Hasanit, shef i urgjencës së sëmundjeve të brendshme në QSUT.
Bibollari kishte marrë një hua prej 50,000 eurosh nga doktori para një jave me noteri ndërsa mjeku harroi në makinën e tij celësin e apartamentit. Pas takimit, Bibollari hyri në apartament për t’i marrë paratë.
Policia ka sekuestruar shumën e dyshuar të parave të vjedhura, një automjet dhe veshjet që Bibollari kishte përdorur gjatë krimit.
Olsi Bibollari ka dy biznese, është pronar i restorantit ‘Ogi’ dhe aksioner në barin ‘Vok’. a.b
