Gjatë operacionit “Plani” në Memaliaj nga DVP Gjirokastra në bashkëpunim me Forcat Speciale “RENEA” u arrestuan shtetasit:
1. Edvin alias Andrew Bode (shtetasi në kërkim)
2. Julian Kalemi
3. Andrea alias Adriatik Kalemi
Për Edvin alias Andrew Bode (shtetasi në kërkim) gjykata e Shkallës së Parë e Juridiksionit të Përgjithshëm Tiranë i ka caktuar këtij shtetasi, masën e sigurisë “Arrest në burg”, për veprat penale “Vrasja me paramendim”, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit” pasi në vitin 2022, Bode në bashkëpunim me 2 të tjerë, dyshohet se janë autorët e vrasjes së shtetasit Edmond Papa.
U arrestua edhe Juian Kalemi, 42 vjeç, pasi ka strehuar shtetasin në kërkim. Po në Memaliaj, është arrestuar edhe Adriatik Kalemi, babai i të cilit u vra pak ditë më parë.
U kap 1 armë zjarri automatike, 1 armë gjahu, 1 gjerdan fishekësh, fishekë luftarak, 2 silenciatorë, 1 jelek antiplumb, 40 145 euro, 438 550 lekë të rinj dhe 3470 dollarë. a.b
