Policia ka vënë në pranga Darmend Kelin, 25 vjeç, si autor i vrasjes së Amarildo Hoxhallari një natë më parë.
Keli, banues në Tiranë, akuzohet për veprat penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”.
Darmend Keli ditën e djeshme, në Unazë të Re, ka goditur me mjet prerës shtetasin Amarildo Hoxhallari, 34 vjeç, i cili si pasojë e plagëve të marra ka humbur jetën në spital.
Në të njëjtën ngjarje është arrestuar edhe A. M., 33 vjeç, banues në Tiranë, për veprën penale “Drejtimi i automjeteve në mënyrë të parregullt”, parashikuar nga neni 291 i Kodit Penal.
Ai po drejtonte një motomjet ku ndodhej edhe Hoxhallari para se të vritej. a.b
