Kryetarja e Kuvendit, Lindita Nikolla, refuzoi sot të regjistronte Sali Berishën në grupin parlamebtar të PD pasi kreu i grupit parlamentar, Gazment Bardhi kishte kërkuar futjen e kreut të opozitës, Berisha në grup.
Por Nikolla tha se nuk e pranon diçka të tillë pasi ai është përjashtuar nga grupi.
Kjo gjë solli tensione në Kuvend nga ana e deputetëve të opozitës.
Megjithatë Nikolla në mënyrë skandaloze u përgjigj se ky është interpretimi i saj.
Deputeti Flamur Noka e akuzoi atë për shkelje të Kushtetutës.
“Ju jeni sejmene në hije dhe nuk jeni asnjë autoritet për të vendosur përjashtimin e Berishës. Se ç’bëhet me narkoshtetin, e diskutoni ju, por aty jashtë janë qytetarët që e diskutojnë më mirë këtë gjë, sepse na keni bërë faqen e zezë të Europës dhe botës dhe a kane kthyer në objekt diskutimi për zi e më zi.
Shqipëria, nga një vend që prodhonte stabilitet, sot po prodhon destabilitet dhe trafik droge, prandaj përpara se të fillojmë diskutimet, të merren në konsideratë kërkesat që ka paraqitur kryetari i grupit parlamentar.
Rregullorja e Kuvendit të Shqipërisë dhe jo e narkoregjimit përcakton në mënyrë të qartë se si një deputet është një anëtar i një grupi parlamentar. Për sa kohë ky vend quhet Republika e Shqipërisë, Kushtetuta e vendit do të mbrohet deri në fund. Ju po shkelni rregulloren dhe ligjet e vendit, ju jeni përfaqësuesja dinjitoze e krimit dhe narkoshtetit, je dhe fytyra e turpit e këtij parlamenti dhe do futesh në histori si e tillë.
Berishën askush nuk e ndalon dot të jetë deputet i parlamentit të Shqipërisë, për sa kohë ka plotësuar një formular që e përcakton rregullorja për sa kohë është deputet i PD i dalë nga zgjedhjet e 25 prillit 2021 he nuk keni asnjë autoritet në Partinë Demokratike”, tha Noka.
Më pas Nikolla përjashtoi edhe Nokën nga seanca. a.b
