Policia e Shtetit ka publikuar foton e autorit të dyshuar të krimit në Himarë, Gerald Shehu, ku një i ri u qëllua me armë dhe më pas nuk gjendet. Shehu është dhendrri i pronarit të hotelit ku punonte Novruzi.
Foto është vënë në dispozicion edhe Policisë greke dhe partnerëve të vendeve të rajonit.
“Në vijim të veprimeve intensive që po kryen grupi hetimor, në drejtimin e Prokurorisë, për gjetjen e shtetasit E. N., si dhe për zbardhjen e rrethanave dhe dokumentimin e plotë ligjor të rastit, sqarojmë se nga kontrollet e deritanishme nuk është bërë ende e mundur gjetja e shtetasit E. N.
Policia e Shtetit ka shpallur në kërkim autorin e dyshuar, shtetasin G. Shehu (bashkëpronar i hotelit ku punonte shtetasi E. Novruzi) dhe po bashkëpunon me Policinë greke për të bërë të mundur lokalizimin dhe kapjen e tij, pasi nga hetimet e deritanishme, pamjet filmike të sekuestruara dhe dëshmitë e marra, dyshohet se shtetasi G. Sh. ka qëlluar me armë zjarri ndaj shtetasit Eraldo Novruzi”, njoftoi policia. m.k
