Në Malësi të Madhe dhe në tre degë të tjera nuk po zhvillohen primaret. Në tre degë kandidatët janë në diskutim për koalicion me aleatët.
“Ju garantoj një gjë, kryesia e PD dhe kryetari i saj, në mënyrë absolute dhe kategorike nuk kanë ndikuar te asnjë kandidat që ka paraqitur kërkesën që ai të tërhiqet nga gara.
Kjo është absolute. Ka një garë që nuk po zhvillohet, por do zhvillohet në të ardhmen. Por ajo nuk e errëson madhështinë e këtij procesi.
Janë tre degë të tjera, përveç Malësisë së Madhe, që janë në diskutim për koalicion me aleatët. Ky është realiteti.
Në Malësinë e Madhe kishte kandidatë, por kishte disa probleme për të cilat është shtyrë gara”, tha Berisha gjatë fjalës së tij para mediave. a.b
