Deputeti Agron Shehaj ka postuar në rrjete sociale një akt regjistrimi të kompanisë së planifikuar të ndërtojë portin e Durrësit.
Ai thotë se Rama gënjen kur thotë se kompania arabe North East Real Estate Holding Limited, që do marrë Portin e Durrësit, është “Kompani Flamur” e Emirateve të Bashkura.
“Rama mashtroi shqiptarët duke thënë se në Portin e Durrësit do investonte kompania Emaar.
Rama gënjen gjithashtu kur thotë se kompania arabe North East Real Estate Holding Limited, që do marrë Portin e Durrësit, është “Kompani Flamur” e Emirateve të Bashkura.
Kjo kompani është krijuar në Nëntor 2021, nuk ka asnjë historik financiar dhe mbi të gjitha nuk ka asnjë lidhje me kompaninë Emaar.
Koncesioni i Portit të Durrësit është afera e radhës e kësaj qeverie të korruptuar deri në palcë”, thekson deputeti.
