Zyrtarë të Inspektoratit Të Mbrojtjes së territorit të shoqëruar nga forca policie dhe fadroma mëngjesin e sotëm kanë mësyrë pranë ambienteve të “Prestigje Resort” në plazhin e Golemit duke nisur shkatërrimin e një pjese të tij.
“IKMT po bën një ndërhyrje të paligjshme në “Prestigje Resort” në pronësi të “Hysenbelliu Group”, në një kohë kur gjithçka është me leje. Tashmë fadromat e IKMT-së kanë nisur shembjen e murin të jashtëm para pishinës. Ky objekt është dhënë me leje të kryeministrit Edi Rama”, raportojnë mediat në pronësi të Irfan Hysenbelliut i cili pp ashtu pronëson resortin.
“Ende nuk dihet konkretisht se çfarë punonjësit e IKMT. Ndërkohë nuk ka pasur asnjë lloj mirëkuptimi nga punonjësi i IKMT-së, për të gjetur një mirëkuptim për situatën e krijuar mes palëve. Ata kanë deklaruar se duhet të ndërhynin në “Resort” dhe kanë deklaruar se duhet ta ekzekutonin patjetër”, raporton gazetari.
Ndërkaq ka reaguar edhe deputeri i PL, Petrit Vasili, i cili e ka quajtur hakmarrje të patër ndërhyrjen e IKMT tek “Prestigje Resort”.
“Është e turpshme kjo që po ndodh. Ka pushues ende. Tani shikojnë këtë pamje ku një tufë e madhe horrash vijnë këtu se nuk u pret puna. Ky është shantazh i qartë jo vetëm për biznesin, por për të gjithë grupin që udhëheq këtë biznes.
Një hakmarrje e çmendur duke shkelur çdo ligj dhe rregull”, tha Vasili.
Edhe deputetja Erisa Xhixho e pranishme në “Prestigje Resort” e ka quajtur të paligjshëm dhe hakmarrje të pastër politike shembjen e murit.
“Biznese që mbajnë familje të tëra me paga dhe punësim vjen dhe i shantazhin dhe dëmton një biznes ku fare mirë me gjuhën e dialogut mund të gjejë një mirëkuptim”, tha Erisa Xhixho.
Hysenbelliu është pronar i mediave news24, balkanweb, gazeta shqiptare, panorama, panorama sport. Pak ditë më parë ai sulmoi ashpër drejtorin e doganave dhe atë të tatimeve pas një gjobe që ata lajmëruan ndaj boznesit të tij. r.k
