Dy kandidatët për kryetar të PD, Sali Berisha dhe Ibsen Elezi votuan sot te kryesia e PD.
Ish-kryeministri Berisha tha fill pas votimit se ky është një proces historik në të cilët shihet drita e shpresë për të ardhmen.
“Është një proces historik, zhvillohet paralel me një proces mafioz si ai i zgjedhjes së Presidentit të Republikës, është mafioz dhe anitkushtetues se bazohet në grabitjes e vullnetit masiv të shqiptarëve dhe kolaboracionizmit e shpifur të Edi Ramës me pseudo-opozitën. Në këtë proces shohim dritën e shpresës për të ardhmen.
Nuk ka vendim, që mudntë ndalë këtë mision historik të demokratëve shqiptarë”, th Berisha kur u pyet në lidhje me një vendim të pritshëm të gjykatës në lidhje me legjitimitetin e kuvendit të PD më 11 dhjetor 2021.
Ndërsa Ibsen Elezi, në një prononcim për mediat deklaroi se drita e së ardhmes së PD nuk është as ai dhe as Berisha, por demokracia.
Sipas tij demokratët nuk duhet të përqendrohen tek individi, ndërsa theksoi se nga sot nuk do të tolerojë asnjë pa korrektësi nga ky proces.
Kam vëzhgues, anëtarët në komisioner janë refuzuar që në fillim të procesit. Ka qenë një situatë e tensionuar dhe vëzhguesit kanë pasur dilemat e veta. Dhe unë kam qenë tolerues që në momentin që nuk e kanë pasur vullnetin. Nuk jam as unë dhe as doktori drita e së ardhmes. Drita e së ardhmes është demokracia dhe thyerja e çdokujt që ka zhytur duart në korrupsion, e ardhmja nuk janë individët. Jam fokusuar shumë te procesi dhe kjo është arsyeja pse kam pranuar për të qenë në garë. Besoj se pas përfundimit do ta njoh rezultatin, por kam toleruar shkelje të vogla, por nëse verifikohet se komisionerët nuk do jenë korrekt nuk do ta toleroj, tha Elezi. a.b
