Besohet se identiteti i viktimës është Iljaz Cali ndërsa vrasja dyshohet të lidhet me kontradita në aktivitet të paligjshëm. Cali është nga Vora ndërsa në 2016 u hetua për trafik droge. Makina ishte marrë me qera në një kompani në afërsi të Rinasit.
Cali ka mbetur i vdekur nga atentati i kësaj mbrëmje në autostradën Tiranë-Durrës.
Ai është qëlluar nga një mjet tjetër në lëvizje në mes të autostradës. Dyshohet se në makinë kamë qënë dy persona pasi dera e pasagjerit është gjetur e hapur.
Më herët/ Tiranë/Informacion paraprak
Më datë 03.04.2022, në autostradën Tiranë-Durrës, përballë DHL-së, në rrethana ende të paqarta, është qëlluar me armë zjarri drejt një automjeti tip “Land Rover” dhe si pasojë ka ndërruar jetë drejtuesi i mjetit, ende i paidentifikuar.
Shërbimet e Policisë kanë shkuar menjëherë në vendngjarje dhe po vijojnë krehjen e zonës me qëllim kapjen e autorit/ëve.
Në bashkëpunim me DVP Durrës, Elbasan e Lezhë janë ngritur menjëherë pika kontrolli në rrugët interurbane.
Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve. r.k
