Tre persona mbetën të plagosur sot ndër të cilët dy janë efektivë policie.
Autori është Nikoll Vorthi i cili është konfliktuar verbalisht dhe fizikisht fillimisht me dy punonjësit e policisë, dhe më pas ka pasur shkëmbim zjarri mes tyre.
Si pasojë të tre personat në fjalë janë plagosur, ndërsa policët janë dërguar në spitalin e Tiranës ku janë jashtë rrezikut për jetën.
Plumbat kanë kapur dhe një makinë e cila ishte e parkuar aty pranë, në këtë mënyrë duke rrezikuar dhe persona të tjerë që ndodheshin aty në momentin e përplasjes.
Dyshohet se patrulla fillimisht ndaloi një person. I ndaluari nuk iu bind patrullës për urdhrin e ndalimit. Personi pretendonte se kishte lidhje me pushtetin.
Ngjarja ka ndodhur në qendër të qytetit. a.b
