Kandidati për deputet i Partisë Demokratike në qarkun e Elbasanit, Lefter Gështenja u shpreh në Euronews Albania se “temperatura” politike në Elbasan është shumë e lartë në këtë fushatë zgjedhore.
“Ndryshe nga Tirana, temperatura politike në Elbasan është e lartë. Tashmë jeni në dijeni përpos incidentit që ka ndodhur në 14 mars, situata vazhdon të jetë e tensionuar, kuptohet nga kundërshtari jonë politik”, u shpreh zoti Gështenja.
Ai theksoi gjatë intervistës me gazetarin Ilir Kazaferi se është i bindur që PD do të dalë forcë e parë në zgjedhjet e 25 prillit.
Në Përrenjas dhe Librazhd lexoj një fitore të sigurt të PD-së në sytë e banorëve”, u shpreh kandidati për deputet.
Ai renditi edhe tre shqetësimet që kanë banorët e këtyre zonave, të cilat sipas tij janë: kërkojnë ujë për të pirë, energji elektrike dhe rrugë.
