246 banorë të Miçiganit, në Shtetet e Bashkuara të Amerikës, kanë rezultuar pozitivë me Covid-19 pasi ishin vaksinuar me të dyja dozat. Nga këta, 3 prej tyre ndërruan jetë, tha për “The Detroit News” shefja e Departamentit të Shëndetësisë së Miçiganit, Lynn Sutfin. Gazeta nuk thotë emri e vaksinës por SHBA po aplikon Pfizer dhe Moderna.
Rastet janë raportuar nga 1 janari deri në 31 mars të këtij viti dhe të gjithë këto raste kanë rezultuar pozitivë të paktën 2 javë pasi janë vaksinuar me dozën e fundit.
Ajo shtoi: “Ndërkohë që shumica e popullsisë zhvillon imunitet të plotë brenda 2 javësh nga kompletimi i vaksinës, një pjesë e vogël merr më shumë kohë për të krijuar një përgjigje të plotë antitrupash”.
Deri në 5 prill, rreth 2 milionë banorë nga 10 milionë që ka gjithsej Miçigani, janë vaksinuar plotësisht.
