Më se 60 njerëz janë arrestuar në Londër për shkak të protestave kundër masave kufizuese të vendosura për të trajtuar epideminë e koronavirusit, tha policia britanike.
Arrestimet u bënë për vepra të ndryshme, por kryesojnë ato për shkelje të masave kufizuese, njofton policia e Londrës në Twitter, duke kërkuar që publiku të mos marrë pjesë në ato demonstrata, të cilat janë të ndaluara për shkak të bllokimit.
Qindra njerëz dolën në rrugët e kryeqytetit britanik për të protestuar kundër mbylljes e duke bërtitur “liri” dhe mbajtur pankarta me parulla si “ndaloni të na kontrolloni” dhe “jo më mbyllje“.
Katër javë pas bllokimit të dytë, Anglia fillon të mërkurën në një sistem masash lokale kufizuese në varësi të shkallës së përhapjes së virusit bazuar në një sistem që përfshin tre nivele alarmi.
e.h/DRONI.al/
